Om Julie Kleive

For songar Julie Kleive er musikken kjenslene, refleksjonane og språket ho møter verda med. Frå små og store augeblikk gjennom livet, kjem ord og tonar som ein umiddelbar respons - det kjem songar. Ho vert drive av musikalske menneskemøte og hennar nære formidling og ujålete musikalitet har gjort henne til ein ettertrakta songar, musikar, låtskrivar, produsent og komponist i vidt ulike musikalske kontekstar. Frå songar til dikt av Bjerke/Bjørneboe tonesett av Marcus Paus, via salmar av Jon Fosse og Andreas Utnem, og indie-folk-pop-låter med duoen July August til lydlege komposisjonar og improvisasjonar med Kristin Bolstad sin Stemmeklang.